జిడ్డు వదిలించేద్దామిలా...!
తలంటుకోవడానికి ముందు రాసుకునే నూనె
ఎలాంటిదైనా సరే ....జిడ్డు అంతా అంతా వదిలిపోయేలా స్నానించాలి. లేదంటే ఆ
జిడ్డుకు జుట్టు నిర్జీవంగా కనిపించడమే కాదు...దుమ్మూదూళీ చేరుకుంటాయి. మరి
అలాంటప్పుడు ఏం చేయాలంటే..
* ఆముదం వంటి మందంగా ఉన్న నూనెలు వాడటం
వల్ల జిడ్డు ఎక్కువగా అంటుకుంటుంది. ఓ పట్టాన వదలదు కూడా ...అప్పుడేం
చేయాలంటే.. తలస్నానం చేశాక వంటసోడాలో నీళ్లు కలిపి.. తలకు రాసుకోవాలి.
కాసేపయ్యాక ఎక్కువ నీళ్లతో జుట్టును కడిగేయాలి. జిడ్డును తొలగించే గుణం
వంటసోడా ప్రత్యేకత.
* సహజంగానే జిడ్డుజుట్టు ఉన్నవారు వెనిగర్ వంటి సహజ కండిషనర్లు వాడాల్సిందే.
* గుప్పెడు ఓట్స్ ని గిన్నెలో తీసుకుని.. రెండు గ్లాసుల నీళ్లు పోసి
ఉడికించాలి. గోరువెచ్చగా అయ్యాక ఆ నీళ్లని వడకట్టి.. తలస్నానం చేశాక తలమీద
పోసుకోవాలి. ఇలా కొన్ని వారాల పాటు చేయడం వల్ల జిడ్డు సమస్య అదుపులోకి
వచ్చి జుట్టు పట్టుకుచ్చులా మెరిసిపోతుంది.
* గుడ్డులోకి తెల్లసొనా,
నిమ్మరసం సమపాళ్లలో కలిపి... తలకురాసుకోవాలి. గంట తరవాత హెర్బల్ షాంపూతో
తలస్నానం చేస్తే జిడ్డు వదిలిపోతుంది.
No comments:
Post a Comment